Supreme Court

Supreme Court Chuan Dan Tharah (BNSS) Kum Sarih Aia Hniam Hremna Case Ah Man Lovin Notice Pek Tur A Ti.

05/02/2026
JC

Supreme Court Chuan Dan Tharah (BNSS) Kum Sarih Aia Hniam Hremna Case Ah Man Lovin Notice Pek Tur A Ti.January ni 15,2026 khan Supreme Court chuan Bharatiya Nagarik Suraksha Sanhita (BNSS), 2023-a Section 35(3) hnuaiah notice pek hi kum 7 chin tang theihna offence-ah chuan a ngaih ngei ngei thu a sawi.Justice M.M. Sundresh leh Justice N. Kotiswar Singh te thutna bench chuan, kum 7 chin tangin tan theihna case-ah te chuan Section 35(3) hnuaia notice hi pek ngei ngei a ngaih leh ngaih loh thu a enfiah a. Court chuan hetiang dinhmunah chuan notice pek loh chu man a phal loh thu a sawi.Court chuan in man hi thubuai chhui chiannaa puitu tûra police-te hnathawhna danin a pek a ni a ti a, amaherawhchu, man ngei ngei ngai a ni lo tih a sawi chiang. Dan anga mi man an nih theih nan police officer chuan Section 35(1)(b)(i) hnuaiah accused-in dan bawhcchiatna offence a ti tih ring ngamna (reasonable belief) a neih a ngai a, chumi bakah chuan custody chu thil tum bik atan a tul tiin, offence dang laka invennaah te, evidence humhalh emaw, court hmaa accused inlan ngeite, evidence tihchhiat loh nan-te, witness-te himna emaw, a nih theih nan a tul tih a chiang tur a ni a ti.Supreme Court chuan Police officer-te chu a theih hram chuan man mai lo tur leh man theihna thuneihna chu a tul bik viau hunah chauh man turin a ti a ni(www.jclalnunsanga.in)(He thubuai hi Special Leave Petition (Crl) No. 5191 of 2021,Satender Kumar Antil Vs SBI & Anr a ni.) Dan lam kaihhnawih thutharte hi Whatsapp Group siamin update kan post thin a. Hemi Groupa i awm ve duh a nih chuan hemi link-ah hian lo join ve turin kan sawm a che. https://chat.whatsapp.com/BEZzj5EzMLCBEQjtWYRFug?mode=gi_c emaw https://chat.whatsapp.com/DMaRfCsAQimCo6fLFyYNuS?mode=gi_c

Naupang Inchuhna Thubuaiah “Naupang Hamthatna” Tih Hi Pawimawh Ber Nimahsela A Tehna Awm Chhun A Ni Tur A Ni Lo: Supreme Court

05/02/2026
Admin

Naupang Inchuhna Thubuaiah “Naupang Hamthatna” Tih Hi Pawimawh Ber Nimahsela A Tehna Awm Chhun A Ni Tur A Ni Lo: Supreme CourtNimin ni 4, February 2026 (Nilaini) khan Supreme Court chuan naupang hamthatna tur ngaihtuah hi a pawimawh ber a, nimahsela naupang kawltu tur ngaihtuahnaah a tehna awm chhun a ni tur a ni lo tiin an sawi. Division Bench, Justice Pankaj Mithal leh Justice S.V.N Bhatti chuan nu leh pa te nunchang te, an khawsakna dinhmun te, an eizawnna te ,naupang nawmna tur leh zirna an pek theih dan te chu naupang kawltu tur ngaihtuahnaah a tel tur a ni an ti.He thubuai hi Indian nupa inkar a thleng niin, an fa te pahnih kum tling lo mipa kum 2017 leh 2019 a piangte inchuhna kal zel a ni. He thubuai hi hun rei tak chhung a lo kal tawh a. Supreme Court lamah thubuai hi a thleng chho ta a ni.Supreme Court chuan Jammu and Kashmir High Court-in naupang enkawltu tur chungchanga an thutlukna chu a hnawl a. J&K High Court chuan naupang enkawl theitu nihna chu a nu kutah a dah a. Nimahsela, Supreme Court chuan ngaituahthat leh turin High Court hnenah a thawn kir leh a ni. Supreme Court chuan thla li chhunga thutlukna siam turin a ti bawk(www.jclalnunsanga.in).(He thubuai Mohtashem Billah Malil v. Sana Aftab ah hian thubuai thehluttu tan Senior Advocate Meenakshi Arora a ding a, a leh lam tan Senior Advocate Altaf Hussain Naik a ding)

West Bengal Chief Minister Mamata Banerjee Chu Supreme Court-ah Amah Ngei SIR Dodalin Thubuai A Sawi.

05/02/2026
Admin

West Bengal Chief Minister Mamata Banerjee Chu Supreme Court-ah Amah Ngei SIR Dodalin Thubuai A Sawi.Nimin 4, February 2026(Nilaini) khan West Bengal Chief Minister, Mamata Banerjee chuan Supreme Court hmaah amah ngei ama case thehluh thu buai sawiin a ding. Mamata hi LLB degree nei a ni a, ama case ngei a thusawi hi ukil ni lo mahse dilna hran siam ngaih a nih angin a siam a, phalsak a ni. Mamata Banerjee chuan West Bengal a voter list-a Special Intensive Revision(SIR) neih mek chu a dodal a. Voter tha tak tak nuaih eng nge maw zatin an voter nihna chanvo an hlauh phah theih thu a sawi a. He thubuai hi Chief Justice of India Surya Kant, Justice Joymalya Bagchi leh Justice Vipul M.Poichi te’n an ngaithla a ni.Hemi chungchangah hian West Bengal chu dik lo taka thliarhran an nih thu leh election neihna tur state danga SIR neih ve a nih loh nachhan a zawt bawk. Mamata Banerjee chuan West Bengal-a vantlang mipui naran te chuan rorelna dik an hmuh theih loh thu a sawi a. Election Commission(EC) hnenah vawi ruk lai lehkha a thawn tawh thu leh chhanna engmah a hmuh loh thu Supreme Court a hrilh a ni.Mamata Banerjee chuan Bengali hming tam tak chu English-a ziahin spelling-ah danglamna an awm thin a. Nupui pasal inneih hnua hnam hming thlak te, hmun danga insawn avanga address inthlakte a awm thin a ni tiin a sawi a. Heng danglamna avanga voter tha tak voter list atanga paih chu a dik loh thu a sawi.West Bengal-a assembly election lo awm turah SIR voter list hmang lova, 2025 voter list zawk hman phalna a dil a. An hming finfiah theih loh te chu online-a tarlang turin leh Aadhaar chu identity proof atana hman phalsak turin a dil a, voter tam tak a rual a paih chu tihtawp sak turin a dil bawk. Election Commission chu Whatsapp Commission tiin an thil kalpui dan nasa takin court ah hian a sawi sel.He thubuaiah hian Election Commission erawh chuan tihsual an nei lo niin an sawi a, State sawrkar chuan an thawhpui tha lo niin an sawi thung. Supreme Court chuan Mamata Banerjee ngenna chu pawmin, EC hnenah chhanna pe turin hriattirna a pe a ni. Supreme Court chuan hming inziah dana danglamna liantham loah chuan fimkhur tak a chet la turin a ti a.Supreme Court chuan he thubuai hi a kaihhnawih dang thubuai thehluhte nen ngaihtuah chhunzawm turin a dah a ni(www.jclalnunsanga.in).

National Council of Churches In India Chuan Anti- Conversion Laws State 12 Chhunga Hman Mek Dodalna Supreme Court-ah A Thehlut

05/02/2026
Admin

National Council of Churches In India Chuan Anti- Conversion Laws State 12 Chhunga Hman Mek Dodalna Supreme Court-ah A ThehlutNi 2, February 2026 (Thawhtanni) khan National Council of Churches In India te’n India ram State sawm pahnih a Anti Conversion Laws hman mek dodalna Supreme Court-a an thehluh chu ngaihtuah a ni. He thubuai hi Division Bench, Chief Justice of India, Surya Kant leh Justice Joymalya Bagchi te thutna Bench-in an ngaihtuah a. He thubuai hi judge pathum thutna Bench a ngaihtuah chhunzawm tura tih niin ni 20 March, 2026-ah ngaihtuah chhunzawm leh tur a ni.Thubuai-a State 12 te:Division Bench, Chief Justice of India, Surya Kant leh Justice Joymalya Bagchi te chuan India ramchhung State hrang hrang a Anti-Conversion Laws kaihhnawih buaina te chu zawmkhawma, ngaihtuah tlan turin an ti a. He thubuaiah hian State hrang hrang 12: Odisha, Chhattisgarh, Madhya Pradesh, Arunachal Pradesh, Gujarat, Himachal Pradesh, Jharkhand, Uttarakhand, Uttar Pradesh, Karnataka, Haryana, leh Rajasthan te Anti-Conversion Laws hman mek chu dodal a ni. Nikum 2025, December thla khan Supreme Court chuan Catholic Bishops' Conference of India te’n a Rajasthan Prohibition of Unlawful Religious Conversion Act, 2025 an khinletna kaihhnawiah hriattirna a lo pe chhuak tawh bawk.National Council of Churches In India (NCCI) hnuaia awm te:National Council of Churches (NCCI) hnuaiah hian Kohhran 32, Regional Christian Councils 17, All India Organisations 18 leh a kaihhnawih Agency 7 te an tel a. NCCI hnuaiah hian India mi 14 million chuang an awm tihna a ni.NCCI thu thlen te:Anti-Conversion Laws chhunga “conversion", "allurement", "inducement" leh "undue influence" hrilhfiahna te chu a chian loh thu te, a hrilhfiahnain a huam zau lutuk avanga thil dik lo tak tak pawh tih theih a nih phah thute an thlen a. Mimal zalenna a rah beh thu te leh mimalin a sakhaw duh zawng huaisen taka a sawi leh thlawp theihna a dal thu te an thlen bawk. Mimalin sakhaw danga a inleh dawn a chhuichianna nasa tak neih hmasak leh thuneitute hnena insawifiahna neih a nih hian mimalin a sakhaw duhzawng a zawm theihna te, a zalenna te leh a mimal thil te rahbehna a ni tiin an thlen.He dan avang hian pawisawi lo tam takin an tawrh tawh thu te leh rinhlehna tur dik leh chiang tak awm lo chung pawh a thubuai ziahluh a nih thin thu te an sawi a. Thubuai chhuinaa dan innghahna dinglai: “Mi tupawh dan bawhchhiaa puh anih chuan a bawhchhe ngei a ni tih chu a puhtu te’n an finfiah tur a ni” tih chu he dan hnuaiah chuan thlak danglam daih a nih thu te, “Dan a bawhchhia a ni tih chiang tak a fiahfiah anih hma chu pawisawilo anga ngaih tur” tih te chu he dan hnuaiah chuan awmzia a neih loh thu te an thlen bawk.Thubuai thehluttu ukil hian Anti-Conversion Laws hrang hrang te chu thubuai ngaihtuah a nih chhung hian Stay (hman loh hrih) tura dilna a thehlut tel a. Hemi chhung hian Anti-Conversion Laws hnuaiah police te chu tumah man lo turin leh Section 3 & 5 hnuaia FIR thehluhte pawh bawhzui lo tur a kaihhruaina pe chhuak turin ngenna a thehlut tel bawk. (www.jclalnunsanga.in).(He thubuai National Council of Churches in India vs State of Rajasthan and Ors.W.P.(C) No. 98/2026 ah hian thubuai thehluttu tan Senior Advocate Meenakshi Arora leh AOR Niharika Ahluwalia te an ding) Dan lam kaihhnawih thutharte hi Whatsapp Group siamin update kan post thin a. Hemi Groupa i awm ve duh a nih chuan hemi link-ah hian lo join ve turin kan sawm a che. https://chat.whatsapp.com/BEZzj5EzMLCBEQjtWYRFug?mode=gi_c emaw https://chat.whatsapp.com/DMaRfCsAQimCo6fLFyYNuS?mode=gi_c

Supreme Court: Lok Adalat Award Hi Court in A Thiat Thei Lo; Article 227 Hnuaiah Chauh Thawi Damna A Awm

11/12/2025
JC

November ni 18,2025 khan Supreme Court chuan Legal Services Authorities Act,1987 (LSA) hnuaia Lok Adalat award pass chu court in thiah leh hnial theihna thuneihna a nei lo a ti. Constitution hnuaia Article 227-a High Court thuneihna hmang chauhin award hi dodal a nih theih thu an sawi.He thubuai hi Justice Vikram Nath leh Justice Sandeep Mehta-te thutna bench chuan an ngaihtuah a. Jabalpur Lok Adalat decree challenge-na chu Madhya Pradesh High Court-ah thehluh a ni a, High Court hian chuan a lo ngaihtuah duh lo a. Supreme Court chuan High Court thutlukna chu a thiahsak a ni.An Buaina Bul:Thubuai thehluttu hian May ni 14,2022-a Jabalpur Lok Adalat award chhuah ah chuan lungawi lovin Madhya Pradesh High Court-ah a zualko a.High Court hian he thubuai hi a ngaihtuah sak duh lova, thubuai thehluttu in CPC(Civil Procedure Code) hnuaia Order XXI Rule 101-a court hmaa objection a thehlut tawh tiin a hnawlsak .Supreme Court Ngaihdan leh Thutlukna:Court chuan Lok Adalat Award hian LSA Act hnuaiah dan finality a nei tih a sawi uar hle a. Civil court award te hi binding anga ngaih a ni a, nimahsela, civil thawi damna (remedy) kaltlangin challenge a ni theilo .Supreme Court chuan High court-in he thubuai a kalpui dan chu kenkawh a nih theih loh thu a sawi a. Court hnathawh chu award tihpuitlinna chauh a ni a, award thiah theihna thuneiha a nei lo a ti. Bench chuan a hnuaia point ang hian a tarlang a ni : Court chuan Lok Adalat award a thiat thei loCPC hnuaia Order XXI-a objection thehluh chu award challenge na tlukpuiah a hman theih loh.Supreme Court chuan thubuai thehluttuin Lok Adalat thutlukna a challenge na chu kal pui zel tlak a ni a ti a, High Court-in a enfiah duh loh chu a dem hle a. Supreme Court chuan High court hnawlna order chu thiatin, High court-ah ngaihtuah tha leh turin thutlukna a siam a ni(www.jclalnunsanga.in)(He thubuai hi Dilip Mehta Vs Rakesh Gupta & Ors a ni a. Thubuai thehluttu tan Siddharth Bhatnagar, Sr Adv leh midangte an ding a. Lehlam tan hian Ravindra Shrivastava, Sr Adv leh midangte an ding thung a ni).

Supreme Court: Bail-a Awm Mek Chu Police Station-a Inlan Loh Vang Chauhin a Bail hi Sut Theih a Ni Lo

10/12/2025
JC

Supreme Court chuan December ni 5, 2025 khan bail chu police station-a in report loh vang ringawtin sut theih a ni lo a ti. He thutlukna hi Sheikh Irshad @Monu-a appeal thehluh atanga lo chawr chhuak a ni a, ani hi Bombay High Court, Nagpur Bench-in a bail an lo sut sak tawh a ni.Justice JK Maheshwari leh Justice Vijay Bishnoi-te thutna bench chuan he thubuai hi ngaihtuahin appeal chu an phal sak a. Bail order chu a ngai awhtirin, High Court bail sut thutlukna chu a thiah sak a. Tin, report tura thu a zawm loh avangin High Court chuan a bail chu a sut sak thei lo tih a sawi bawk.An Buaina Bul:Irshad-a (Thubuai thehluttu) hi kum 2020 khan Gittikhadan Police Station, Nagpur-a NDPS Act hnuaia Section 20 leh 29-ah leh Maharashtra Control of Organized Crime Act (MCOCA)-a Section 3(1)(i)(ii), 3(2) leh 3(4) hnuaia FIR register pakhatah puh a ni a. He thubuaiah hian Ganja 2kg 728g man a ni.Kum khat leh thla sawm pakhat dawn police kuta a awm hnuah, Bombay High Court chuan bail phal sakin kum 2022 August thla khan a chhuak a. Tualchhung police station-ah thla tin ni 1 leh ni 16-ah inlan turin court hian a hriattir bawk.Supreme Court Ngaihdan leh Thuchhuah:Supreme Court chuan bail pek a nih hnuah, investigation chu zawhfel a nih tawh thu leh chargesheet chu thehluh a nih tawh thu a hmu a. Sessions Court ah thubuai hi ngaihtuah mek a ni a. Tin, thubuai thehluttu Irshad-a hi a tul angin trial court hmaah a inlan fo tih a sawi bawk.Supreme Court chuan High Court bail sutna chu thiatin, a tira bail an phalsakna chu a pawm sak a . Court chuan thubuai thehluttu chu bail a zawm theih tur thu sawiin ,trial court hmaah thuchhuah dang a awm a nih loh chuan a tul angin inlan zel turin a hriattir bawk (www.jclalnunsanga.in).( He thubuai hi Sheikh Irhsad @Monu Vs State of Maharashtra, Criminal Appeal @SLP(Crl) Diary No. 60194 of 2025 a ni .)

DISCLAIMER