Supreme Court

Supreme Court in The Mizo Marriage and Inheritance of Property (Amendment) Act, 2026 Khinna Chu High Court-ah Kal Zawk Turin Ti.

24/08/2026
Admin

Supreme Court chuan vawiin 24 August khan Mizo inneihna leh roluah dan siamthatna (amendments) 2026 lungawih lohna avanga Meriam L. Hrangchal in a khinna chu Gauhati High Court-ah kal turin a ti.Chief Justice Surya Kant leh Justice Joymalya Bagchi te leh Justice V. Mohana te telna Bench chuan, petitioner Meriam L. Hrangchal aiawhtu counsel chu a client chu Delhi-ah kal buai kher ngai lo in a chenna ngeiah High Court a awm a, chutah chuan kal hmasa turin a ti. Thubuai thehluttu in Aizawl-a thubuai ngaihtuah chu mipui pressure a tam dawn nia a sawi chu Chief Justice phalna in Principal Bench-ah pawh ngaihtuah theih a ni a ti. Supreme Court chuan a case that leh that loh sawi lovin case ngaihsak ngai a ni a ti. Pi Meriam hian hian The Mizo Marriage and Inheritance of Property (Amendment) Act, 2026 siamthatna (amendments) te hi India Constitution kalh a ni tiin a khing a. He dan thar hian Mizo hmeichhe, Mizo ni lo mipa nei te chu dik lo takin a thliar hrang a, an fa te dikna leh chanvo pawh a laksak a ni tiin thiah a dil a ni.He dan thar hian Hnam dan kum 2014-a siam Mizo Marriage and Inheritance of Property Act chu a tichak bawk. He dan siamthatnaah hian kawppui pakhat aia tam neih, Mizo mi leh Mizo mi ni lo inneihna (inter-community marriage) leh hmeichhe ten an neihte (property rights) chungchangah thil thar leh danglamna te a siam.He dan thar hian Hnam dan kum 2014-a siam Mizo Marriage and Inheritance of Property Act chu a thuam chak a. He dan siamthatnaah hian kawppui pakhat aia tam neih phal lohna te, Mizo mi leh Mizo mi ni lo inneihna (inter-community marriage) leh hmeichhe ten an thil neihte (property rights) chungchangah thil thar leh danglamna te a siam.Lalsangliani Colney pawhin May ni 8 khan Supreme Court ah hian Mizo Hnam dan thar a khinna hi a thehluh tawh a, Diary No. 28435/2026 a register a ni a. Siam that tur neuh neuh (defect) a awm avangin ngaihtuah tura chhawp chhuah a la ni lo.(www.jclalnunsanga.in).

Pawikhawihtua Puhte Thlalak leh Video Social Media-a Post Chungchanga Kaihhruaina Siam Tura Ngenna Supreme Court-in Ngaihtuah

18/08/2026
Admin

Ni 18, August 2026 khan Supreme Court chuan sorkar laipui , Meta leh X te hnenah thuchhuah siamin, police te’n pawikhawihtua rinhlelh/puhte thlalak leh video social media-a post chungchanga kaihhruaina siam dilnah chhanletna pe turin an ti a. He ngennaah hian pawikhawihtua rinhlelh te chu pawi a khawih ngei a ni tih finfiah a nih hma chu pawi sawi lo anga ngaih tur tih chu a kalh theih thu te, rorelna dik chang tur a dikna chanvo a tih buai theih thu leh pawikhawihtua puh/ringhlelh te zahawmna atan pawi thei tiin a sawi.Chief Justice of India Surya Kant leh Justice Joymalya Bagchi leh V. Mohana te awmna Bench chuan Meta leh X hnenah insawifiahna pe turin an ti a ni. CJI Surya Kant chuan digital khawvela thil a luh tawh hnuah chutiang thilte chu thunun a harsat tawh thu te a sawi bawk. Ngenna thehluttu chuan Meta leh X te policy neih mekah hian police te’n pawikhawihtua puh/ringhlelh te thlalak leh video an phochhuah thin buaipui dan tur a tel loh thu a sawi bawk .He ngennaah hian ram pum huapa kaihhruaina inang tlang awm a tulzia pawh a tarlang bawk. Ngenna siamtu ukil chuan High Court hrang hrang ten hemi chungchangah hian kaihhruaina an chhuah tawh thu a sawi a. Hemi kaihhnawih thlalak leh video post chungchangah hian May 2025 khan, Punjab leh Haryana High Court chuan Chandigarh DGP hnenah thubuai chhui zui zelna te, a tuartute, thil tisualtu a puhte a tih buai lohnan kaihhruaina siam turin thu a lo pe tawh a ni. January 2026-ah Rajasthan High Court pawhin mi man te thlalak online platform-a mite la thla turin thu a lo pe a, hetianga thiltih hian an zahawmna leh dikna chanvo a kalh theih thu an sawi a. Thupek chhuah dang te zuiin, Rajasthan Police chuan social media emaw chanchinbu mi te hnena mi man te thlalak leh video thehdarh khapna SOP a chhuah ta a ni.He thubuai hi Hemendra Patel v. Union of India & Ors.a ni(www.jclalnunsanga.in)

Supreme Court Chuan NEET Paper Leak Kaihnawih A Zirlaite Laka FIR Ziah Luh Te Chu Thiah Theih A Nih Thu Sawi

18/08/2026
Admin

Ni 18, August 2026 khan Supreme Court chuan NEET exam paper leak leh thil dang hrang hrang avanga ram puma zirlai lungawilohna lantirtute laka FIR ziah luh te chu a thiah maitheih thu a sawi. Chief Justice of India Surya Kant leh Justice Joymalya Bagchi leh Justice V. Mohana te Bench chuan he thil hian zirlai sâng telte hmakhua a khawih tel tih tarlangin; Court chuan pawikhawihna lian tak lo khawih tawh leh zirlai pawikhawihna la nei ngai lo te laka FIR erawh chu a hrana chinfel a nih tur thu a tarlang a ni. Solicitor General Tushar Mehta chuan heng mi 2,873-tualthah, pawngsual leh mi rukbo kaihhnawih tih loh a pawikhawihna nei lote chu an thubuaite tihtawp sak theih a nih thu a sawi a. Court chuan remna leh muanna hmanga lungawilohna lantir chu Constitution-a Article 19 hnuaiah venhim anih thu leh, dan kalh a chetna erawh dan anga chinfel tur a tih a tarlang nawn leh bawk.Court chuan he lungawilohna lantirnaa police-te tharum thawhna leh thil dang thlengte zir chiang turin high-powered committee din a rawt a. He committee-ah hian judge hluite leh police officer senior te an tel ang a. Court chuan thuneitute hnenah he lungawilohna lantirnaa evidence hrang hrang, CCTV, drone footage, body-camera recording leh evidence dangte vawnhim sak vek turin a hrilh a. Tin, lungawilohna lantirtute mimal chanchin leh digital information-te tarlang lo tura thupek a chhuah bawk. Ukil-te chuan hmeichhe lungawilohna lantirtute laka police-te tharum thawhna, internet-a pawikhawihna leh facial recognition technology hman chungchangah te an tarlang a. Court chuan heng thilte hi committee rawt thar hian a zir chiang thei reng ang tih a sawi bawk. He thubuai hi Shailendra Mani Tripathi v. Union of India & Ors. a ni(www.jclalnunsanga.com)

Thi Tura Hremna Atana Inkhaihlum Hman Thin Chu Thlak Tura Ngenna Supreme Court-in Hnawl; Hmanraw Hman Theih Dang Tha Zawk A Awm Em Tih Zir Chiang Turin Expert Committee Din Turin Rawt

18/08/2026
Admin

Ni 18, August 2026 khan Supreme Court chuan thi tura hremna atana inkhaihlum hman thin chu India Danpui kalh a ni tia puang tura ngenna chu a hnawlsak. Senior Advocate Rishi Malhotra-a’n dilna a thehluhah hian inkhaihlum aia na lo zawk, chiu hlumna hmanga thlak a dil a. Justice Vikram Nath leh Justice Sandeep Mehta te Bench chuan Judge pathum(3) thutna Bench-in 'Dina' case-a a lo ngaihtuah tawh, inkhaihlumna hmanga hremna chu India Danpui kalh a ni lo tia thutlukna an lo siam tawh chu ngaihtuah nawn leh nachhan tur chhan tha tawk tak awmin an hre lo a ni.Amaherawhchu, Court chuan an thutlukna siam hian inkhaihlum chungchang ngaihtuahna leh theihna a tih tawp vek loh thu an tarlang nghal a. Inkhaihlumna hmanga hremna hian India Danpui a kalh em tih chu-scientific, medical, finfiahna tha zawk a awm a nih chuan ennawn leh theih a nih thu an sawi. Constitutional interpretation hi scientific knowledge leh constitutional principles te inthlak rualin thil thang zel tur a ni tih court chuan a tarlang bawk. Tin, Court chuan thi tura inhremna atana inkhaihlum ni lo hman hian thiam loh chantir tak te zahawmna leh tul lova na an tuar nasa lutuk tur tih ziaawm dan dang a awm thei em tih zir chiang turin sorkar laipui chu a ti bawk.He ngennaah hian inkhaihlum chu hmanlai thil a nih tawh thu leh, nung dama awm tura dikna chanvo chhungah hian zahawm taka thi tura dikna chanvo pawh a tel tih a tarlang. Central Government chuan Court hnenah hian he thil hi a zir chiang mek a ni tih a hrilh a. Project 39A pawhin Court hmaah hian thu thehlutin, inchiu hlum hi a hlawhtling pumhlum bikin a lang lo tih a tarlang bawk. Chuvangin Supreme Court chuan heng dilnate hi hnawl mah se, Sorkar chuan dan lama mithiam, forensic medicine, neuroscience, criminology leh a kaihhnawih te awmna expert committee te chu thi tura hremna atana hmanraw hman tur tha zawk a awm theih leh theih loh zir chiang turin a ti bawk. He thubuai hi Rishi Malhotra v. Union of India-a ni(www.jclalnunsanga.in)

Supreme Court-in Rahul Gandhi Chungchanga CBI-ED Investigation Thubuai Allahabad HC-a Kal Mek chu a Stay

17/08/2026
Admin

Thawhtanni khan Supreme Court chuan Congress hruaitu Rahul Gandhi laka CBI leh ED te chhui zui dilna thubuai, Allahabad High Court-a kal mek chu a stay rih a ni. He thubuai hi Rahul-an a lakluh phu lova hausakna a nei tia an puhna chungchang a ni a. Supreme Court chuan thu thar a chhuah leh hma chu High Court-ah hian CBI leh ED te chu report engmah thehlut rih lo turin thu a pe bawk. Chief Justice Surya Kant, Justice Joymalya Bagchi leh Justice V. Mohana te bench chuan he thubuai hi an ngaihtuah a. Allahabad High Court hian thuneitute hnenah puhna awm te hi chhui chianga, a thlen chin Court-a hriattir turin thu a lo chhuah tawh a ni.Additional Solicitor General S.V. Raju chuan CBI hian puhna te hi a tak a ni ngei em tih chauh a chhui a, FIR engmah ziah luh a la ni lo tiin a sawi a. Supreme Court chuan thuneitute hian puhna liantham lakah thil an chhui zui thei tih pawm mah se, mi mal nghawng thei thutlukna an siam hmain Court te chuan 'principles of natural justice' an zawm a tul hle a ni a ti. Chuvangin, Supreme Court chuan Allahabad High Court-a thubuai kal mek, August 20-a ngaihtuah leh tura ruahman chu a stay rih a ni. Gandhi hian a thubuai hi Allahabad High Court atanga Delhi High Court-a sawn a nih theih nan petition dang a thehlut bawk(www.jclalnunsanga.in)(He thubuai hi RAHUL GANDHI Versus S. VIGNESH SHISHIR AND ORS. Diary No. 47728-2026 (and connected case) a ni a. Thubuai hi AOR Prasanna S. kaltlanga thehluh a ni )

UP Public Service Commission Te Ngenna Supreme Court-in Phalsak; Exam Chungchang Endikna Chu Academic Expert Te Tih Tur A Ni

11/08/2026
Admin

Supreme Court chuan exam chungchang thila academic expert te thutlukna siam tawhah Judicial review hmangin court chu an inrawlh mai mai tur a ni lo tih a sawi.Justice Dipankar Datta leh Justice Sheel Nagu te bench chuan Allahabad High Court-in Uttar Pradesh Public Service Commission (UPPSC) hnena answer sheet endik nawn leh tur te, zawhna thenkhat paih tur te, leh zawhna thenkhatah full-mark pe tura thupek a lo chhuah chu a thiat a.Supreme Court chuan High Court-in academic zawhnate chipchiar taka lo enfiah a, hetiang lama mithiam ang maia thil a ti chu India Danpui Article 226 hnuaia judicial review huam chin pel a niin an ngai a, hetianga inrawlhna hi Ran Vijay Singh v. State of Uttar Pradesh (2018)thubuaia dan lo zam tawh nen a inkalh tih a sawi bawk.Court chuan re-evaluation hi danin a phalsak a nih chauhin emaw, thil dik lo chiang lutuk leh langsar tak a awm zeuh chang chauhva phalsak theih a nih thu a sawifiah a ni. Court-te chuan answer sheet chu anmahni ngeiin an endik tur a ni lo va, a chhanna dik zawk pawh an thuthluk tur a ni hek lo; academic thil chu a bik taka thiamna nei (subject expert)-te kuta dah mai tur a ni,tiin an sawi bawk.Tin, expert-ten chhanna dik atana an siam (key answers) chu a dik anga ngaih phawt tur a ni a a. Tichuan, Uttar Pradesh Public Service Commission-in ngenna (appeal) an thehluh chu Supreme Court hian a pawmsak ta a ni(www.jclalnunsanga.in)(He thubuai hi UP Public Service Commission vs Sunil Kumar Singh &ors a ni a, thubuai thehluttu tan hian AOR SiddhGrover, Adv.Himanshi Girdhar te an sing a, thubuai chhangtute tan hian AOR Satyajeet Kumar, AOR Rajneet Kumar Jha te an ding)

DISCLAIMER